Stana vinihitamapi haaramudaaram – Ashtapadhi 9

Stana vinihitamapi haaramudaaram – Ashtapadhi 9

stana vinihitam api haaramudaaram |
saa manute krushatanuriva bhaaram ||
raadhikaa virahe tava keshava || 1 ||

sarasamasruNamapi malayajapankam |
pashyati vishamiva vapushi sashankam || 2 ||

shvasati pavanam anupama parihaaNam |
madanadahanamiva vahati sadaaham || 3 ||

dishi dishi kirati sajala kaNajaalam |
nayananalinamiva vigalitanaalam || 4 ||

tyajati na paaNitalena kapolam |
baalashashinamiva saayamalolam || 5 ||

nayanavishamapi kisalayatalpam |
gaNayati vihitahutaashavikalpam || 6 ||

haririti haririti japati sakaamam |
virahavihitamaraNeva nikaamam || 7 ||

shree jayadeva bhaNitamiti geetam |
sukhayatu keshava padam upaneetam || 8 ||

Shlokam
saa romaanchati seetkaroti vilapatyutkampate taamyati
dhyaayat yudbhramati prameelati patatyudyaati moorChatyapi |
etaavatyatanujvare varatanurjeevenna kim te rasaat
svavaidyapratima praseedasi yadi tyakto~nyathaa hastakah || 3 ||

smaraaturaam daivatavaidyahrudya
tvad anga sangaamruta maatra saadhyaam |
vimuktabaadhaam kurushe na raadhaam
upendra vajraadapi daaruNosi || 4 ||

kandarpah jvara samjvaraatura tanoraashcharyam asyaashchiram
chetashchandana chandramah kamalinee chintaasu santaamyati |
kintu klaantivashena sheetalataram tvaamekameva priyam
dhyaayantee rahasi sthitaa kathamapi ksheeNaa kshaNam praaNiti || 5 ||

kshaNamapi virahah puraa na sehe
nayananimeelanakhinnayaa yayaa te |
shvasiti kathamasou rasaalashaakhaam
chiraviraheNa vilokya pushpitaagraam || 6 ||

vrushTi vyaakula gokulaavanarasaad uddhrutya govardhanam
bibhradvllava vallabhaabhir adhikaanandaacchiram chumbitah |
darveNeva tadarpitaadharataTee sindoora mudraankito
baahurgopatanostanotu bhavataam shreyaamsi kamsadvishah || 7 ||

|| iti chaturthah sargah ||

Advertisements